Advertisement
उद्योगवार्ता

‘मुद्रा’ योजनेची प्रकरणे तातडीने निकाली काढा : बडोले

‘स्मार्ट उद्योजक’ WhatsApp आवृत्ती शुभारंभ ऑफर
WhatsApp द्वारे संपूर्ण ‘स्मार्ट उद्योजक’ मासिक वर्षभर मिळवा फक्त रु. ६० मध्ये : http://imojo.in/2eucnd

प्रत्येक गरजू व बेरोजगार युवक-युवती स्वावलंबी झाली पाहिजे, असा संकल्प प्रधानमंत्री नरेंद्र मोदी यांचा आहे. यासाठी जास्तीत जास्त बेरोजगार व गरजू व्यक्तींना ‘मुद्रा’ योजनेच्या माध्यमातून स्वावलंबी बनविण्यासाठी ‘मुद्रा’ योजनेची प्रकरणे तातडीने निकाली काढा, असे निर्देश राजकुमार बडोले यांनी गोंदिया येथे दिले. पंचायत समिती सभागृह सडक/अर्जुनी येथे २ जुलै रोजी पालकमंत्री बडोले यांच्या अध्यक्षतेखाली ‘मुद्रा’ योजनेचा आढावा घेण्यात आला, त्यावेळी ते बोलत होते.

बडोले यावेळी म्हणाले, ‘मुद्रा’ योजनेबाबत ज्या बँकांना शिशु, किशोर व तरुण या गटाचे उद्दिष्ट देण्यात आले आहे ते त्यांनी वेळेत पूर्ण करावे. या योजनेची माहिती घेण्यासाठी कोणत्याही बेरोजगार व्यक्तींची बँकेत आल्यानंतर निराशा होणार नाही याची काळजी घ्यावी व त्यांना या योजनेबाबत विस्तृत माहिती देऊन सहकार्य करावे. अनेक बेरोजगार व गरजू व्यक्ती छोटे-छोटे उद्योग व्यवसाय सुरु करण्यास इच्छुक आहेत अशा व्यक्तींना ‘मुद्रा’ योजनेतून बँकांनी योग्य ते सहकार्य करावे. त्यामुळे त्यांना स्वावलंबी होण्यास मदत होईल, असे सांगून ते पुढे म्हणाले, बँकांनी मुद्रा योजनेतून बेरोजगार व गरजू व्यक्तींना कर्ज देतांना सामाजिक बांधिलकी जोपासली पाहिजे. ‘मुद्रा’ योजनेतून रोजगार उभारण्यासाठी बँकेमध्ये येणाऱ्या गरजू व्यक्तीला समाधानकारक उत्तरे दिली पाहिजेत. अनेक बँका बेरोजगार व गरजू व्यक्तींना मुद्रा योजनेअंतर्गत कर्ज देण्यास टाळाटाळ करीत असल्याच्या तक्रारी बेरोजगार व गरजू व्यक्ती करीत आहेत. त्यामुळे अशाप्रकारच्या तक्रारी येणार नाही याबाबत सर्व बँकांनी दक्षता घ्यावी, असे त्यांनी सांगितले.


स्मार्ट उद्योजक व्हॉट्सअ‍ॅप न्युजलेटर

उद्योजकता व व्यवसायविषयक बातम्या व उपयुक्त लेख रोज आपल्या व्हॉट्सअ‍ॅपवर मोफत मिळवण्यासाठी ९८३३३१२७६९ हा क्रमांक आपल्या मोबाईलमध्ये जतन करा व ‘स्मार्ट उद्योजक न्युजलेटर’ असे टाइप करून आपल्या नाव, जिल्हा व तालुक्यासह या क्रमांकावर व्हॉट्सअ‍ॅप करा.


Optimization WordPress Plugins & Solutions by W3 EDGE
Help-Desk
%d bloggers like this: