२०२५ मध्ये डिजिटल मार्केटिंगमध्ये या चार गोष्टी करायलाच हव्यात

१. सोशल मीडियाचा वापर करा

फेसबुक, इन्स्टाग्राम, लिंक्डइन असे सोशल मीडिया प्लॅटफॉर्म येऊनसुद्धा दहाहून अधिक वर्ष होऊन गेली. अजूनही तुम्ही त्याचा वापर तुमचा व्यवसाय वाढवण्यासाठी करत नसाल तर कठीण आहे.

सोशल मीडिया मार्केटिंग म्हणजे फक्त सणावाराला शुभेच्छा पोस्ट करणे किंवा तुमच्या ऑफर्स आणि जाहिरातींचा भडीमार नाही. सोशल मीडिया वर आपल्याला अपेक्षित ग्राहकांना काय हवं आहे हे जाणून घेण्याचा प्रयत्न करा. यासाठी लोकांना प्रश्न विचारा. त्यांच्या आवडीनिवडी जाणून घ्या.

सर्वात महत्त्वाची बाब ही आहे की आता तुम्ही जे पोस्ट करता ते जास्तीत जास्त लोकांपर्यंत पोहोचवायचं असेल तर तुम्हाला सोशल मीडियावर paid campaign कराव्या लागतात. दिवसा अगदी कमी बजेटमध्ये तुम्ही paid campaign करू शकता.

सोशल मीडिया मार्केटिंगसाठी तुम्हाला थोड्या तांत्रिक गोष्टी शिकून घेणं गरजेचं आहे. तुम्हाला नसेल जमत तर योग्य एजेंसी निवडून त्यांना सोशल मडिया मार्केटिंग आउटसोर्स केलं पाहिजे.

२. ‘गुगल माय बिझनेस’वर नोंदणी करा

गुगल सर्चमध्ये स्थानिक प्लेसेसमध्ये तुमचा व्यवसाय दिसावा यासाठी ‘गुगल माय बिझनेस’वर नोंदणीवर नोंदणी करणे अनिवार्य आहे. हे पूर्णपणे मोफत आहे. मात्र त्याची रीतसर प्रक्रिया असून ती तुम्हालाच पूर्ण करावी लागते.

गुगल तुमच्या व्यवसायच व्हेरिफिकेशन केल्यानंतरच तुमचं प्लेसेसमध्ये पेज प्रसिद्ध करतो. त्यामुळे जी माहिती द्याल ती सर्व खरी द्या.

३. ग्राहकांच्या अभिप्रायाचा उपयोग करा

सोशल मीडिया, गुगल, जिथे जिथे तुमचे ग्राहक तुमच्याशी जोडलेले आहेत तिथे त्यांना रिव्ह्यू द्यायला प्रवृत्त करा. जे चांगले अभिप्राय देतील त्यांना प्रसिद्धी द्या आणि ज्यांना तुमच्या सेवेचा वाईट अनुभव येईल किंवा काही त्रुटी वाटतील त्यात सुधारणा करा.

अशा नाखूष ग्राहकांशी संवाद साधा. त्यांच्या तक्रारी सोडवा आणि त्यांच्या निगेटिव्ह रिव्ह्यूला पॉसिटीव्हमध्ये परावर्तित करा. एक गोष्ट लक्षात घ्या कोणताही नवीन ग्राहक हा आधीच्या ग्राहकांचे रिव्ह्यू बघूनच तुमच्याशी व्यवहार करतात.

४. व्हिडिओ मार्केटिंग करा

“जो दिखता है, वही बिकता है”, ही जुनी म्हण आज खऱ्या अर्थाने मार्केटिंगमध्ये उपयोगात आणली पाहिजे. युट्युब, इन्स्टाग्राम, फेसबुकवर व्हिडिओ किंवा रिल्स बनवून तुमच्या उत्पादनांची किंवा सेवांची माहिती द्या.

हे व्हिडीओ कल्पक असावेत. शंभरात एखादा जरी तुमचा व्हिडिओ किंवा रिल व्हायरल झाली तर तुम्ही आणि तुमचा बिझनेस रातोरात जगप्रसिद्ध झालेच म्हणून समजा.