आजच्या श्रीराम नवमीच्या शुभदिनी, ‘स्मार्ट उद्योजक’ मासिकाने ११ वर्षांचा टप्पा यशस्वीपणे पूर्ण करून बाराव्या वर्षात पदार्पण करत आहे, याचा आम्हाला अत्यंत आनंद आणि अभिमान वाटतो.
या ११ वर्षांच्या प्रवासात स्मार्ट उद्योजकने संपूर्ण महाराष्ट्रभर आपला ठसा उमटवला आहे. आज आमच्याकडे १५,०००+ वर्गणीदारांचा मजबूत परिवार आहे, तसेच सोशल मीडियावर २ लाखांहून अधिक लोक आमच्याशी जोडले गेले आहेत.
या कालावधीत देशाने जीएसटीचे अंगीकरण, नोटबंदी, तसेच कोव्हिडसारखी मोठी स्थित्यंतरं अनुभवली. या प्रत्येक टप्प्यावर स्मार्ट उद्योजकने उद्योजकांना योग्य मार्गदर्शन करण्याचे प्रामाणिक प्रयत्न केले. आगामी काळातही कोणतेही बदल किंवा आव्हाने आली, तरी उद्योजकांसोबत खंबीरपणे उभे राहण्याची आमची वचनबद्धता कायम राहील.
बाराव्या वर्षात, म्हणजेच या तपपूर्तीच्या वर्षात, आम्ही काही महत्त्वाचे उपक्रम सुरू करत आहोत :
• स्मार्ट उद्योजकची हिंदी आवृत्ती
• ‘स्मार्ट उद्योजक – इंडिया बिझनेस डिरेक्टरी’ : राष्ट्रव्यापी प्रसिद्धी आणि नेटवर्किंगसाठी एक सक्षम व्यासपीठ
• तसेच लोकोपयोगी विषयांसाठी स्वतंत्र ‘लोकोपयोगी’ मासिक सुरू करण्याचा आमचा मानस आहे
हा संपूर्ण प्रवास वाचक आणि जाहिरातदार यांच्या अमूल्य सहकार्यामुळेच शक्य झाला आहे. यापुढेही तुमचे प्रेम, विश्वास आणि साथ आम्हाला अशीच मिळत राहील, अशी आम्हाला खात्री आहे.
धन्यवाद!
– शैलेश राजपूत
संस्थापक व संपादक
