₹७५० मध्ये स्मार्ट उद्योजक® मासिक वर्षभर रजिस्टर पोस्टाने घरपोच मागवा आणि त्यावर ₹२०० किंमतीचे 'एकविसाव्या शतकातील उद्योगसंधी' हे पुस्तक मोफत मिळवा. आजच ऑर्डर करा https://bit.ly/2YzFRct
मागील काही दशकांपासून ज्वेलरी डिझायनिंग आणि ट्रेडिंगसाठी भारत ही खूप मोठी बाजारपेठ आहे. हजारो कोटींची गुंतवणूक असलेला हा व्यवसाय आहे. दागिने म्हटले की आपल्या नजरेसमोर उभे राहतात ते सोन्याचे, हिर्यामोत्यांचे दागिने; परंतु याहीपलीकडे जाऊन आज व्यक्तिमत्त्वाला उठाव आणणारे फॅशनेबल दागिने, ओकेशनल, कॉश्चूम ज्वेलरी असे प्रकार आणि त्यांची मागणी वाढते आहे.
तुमच्याकडे कल्पकता, निरीक्षण, एकाग्रता असेल तर तुम्ही या व्यवसायाचा विचार जरूर करू शकता. या क्षेत्रात घडणार्या घडामोडींची माहिती करून घेणे, ट्रेंड अभ्यासणे गरजेचे आहे.
दागिन्यांचे डिझायनिंग करताना विविध टप्पे असतात. सर्वप्रथम तुमची कल्पना कागदावर उतरवावी लागते, मग त्या दागिन्याचे क्षेत्र (म्हणजे लग्नासाठी, फॅशन शो म्हणून, रेग्युलर वापरासाठी) ठरवावे लागते. सध्याच्या काळात संगणकावर याचे डिझाइन बनवले जाते ज्यामुळे दागिन्याच्या नमुन्यांत, रंगसंगती यात वैविध्यता आणता येते. कमी श्रम पडतात.
दागिन्यांमध्ये कल्पकता वापरून अनेक प्रकारचे डिझाइन्स तयार करता येतात. विविध प्रांतांतील संस्कृती, लोकपरंपरा यांची सांगड घालून तयार करण्यात येणार्या दागिन्यांना ‘फ्यूजन’ म्हणतात.
ज्वेलरी डिझायनिंगमध्ये विविध संधी उपलब्ध आहेत. केवळ डिझायनिंग करणे, विक्री एवढेच हे क्षेत्र मर्यादित नाही, तर व्यवसाय म्हणून विचार करता मागणीनुसार दागिन्यांचे डिझायनिंग करून देता येते. स्वतंत्र प्रॉडक्शन हाऊसही सुरू करता येते.
या क्षेत्रात येऊ इच्छिणार्यांसाठी शास्त्रशुद्ध प्रशिक्षण देणार्या अनेक संस्था कार्यरत आहेत. त्यांच्या मदतीने प्रशिक्षण घेऊन आपण यात प्रशिक्षित होऊ शकता. विशेष शैक्षणिक पात्रतेची आवश्यकता नाही; परंतु डिप्लोमासाठी पदवी किंवा शॉर्ट टर्म कोर्ससाठी दहावी/बारावी असावे लागते. दूरस्थ शिक्षणाच्या माध्यमातूनही प्रशिक्षण उपलब्ध आहे.
– टीम स्मार्ट उद्योजक