कॅरम खेळाडूंना छंदापासून प्रोफेशनपर्यंत नेणारा उद्योजक

चाळी, गल्ल्यांमध्ये छंद, आवड, विरंगुळा म्हणून आपण कॅरम खेळतो. या विरंगुळ्याला आपल्याला प्रोफेशनमध्ये परावर्तित करता येईल का? तर नक्कीच हो! कॅरमच्या जिल्हा ते राष्ट्रीय आणि आंतरराष्ट्रीय पातळीवर स्पर्धा आयोजित केल्या जातात.

या खेळात यश मिळवणार्‍यांना क्रीडापटू म्हणून करीअरही करता येते आणि याचे प्रशिक्षण देण्यासाठीच जितेंद्र दळवी यांनी ‘क्रिएटिव्ह कॅरम अकॅडमी’ सुरू केली. जितेंद्र दळवी हे स्वतः राष्ट्रीय पातळीवर कॅरम स्पर्धेत ‘हिंदुस्तान पेट्रोलियम’चे प्रतिनिधित्व करतात.

दळवी यांनी ठाणे जिल्ह्यातील अनेक तरुणांना कॅरमचे शास्त्रशुद्ध प्रशिक्षण दिले आहे. ठाणे जिल्ह्यातील अनेक शाळांमध्ये ते कॅरम प्रशिक्षणाचे वर्ग भरवतात. जितेंद्र दळवी स्वतः मुंबईतल्या गिरणगावातले. त्यामुळे लहानपणापासून कॅरमची आवड.

अनेकांना उत्तम कॅरम खेळता येतं, पण त्याचा स्वतःच्या करीअरसाठी किंवा अर्थार्जनासाठी उपयोग होत नाही. पेशाने इलेक्ट्रिकल इंजिनीअर असलेल्या जितेंद्र यांना ही बाब लक्षात आली आणि त्यांनी तरुणांना यामध्ये प्रोफेशनल करण्याचा निर्णय घेतला.

‘क्रिएटिव्ह कॅरम अकॅडमी’मध्ये खेळाडूंची जिल्हा पातळीपासून ते राष्ट्रीय पातळीपर्यंतच्या स्पर्धांची तयारी करवून घेतली जाते. २०१८ साली नागपूर येथे झालेल्या सामन्यांत अंडर-२१ वयोगटातील राष्ट्रीय विजेता हर्ष शाह तसेच २०१२ च्या पश्चिम भारताच्या स्तरावर झालेल्या स्पर्धेचा विजेता इरफान शेख हेही याच अकॅडमीचे विद्यार्थी.

मोलाची साथ : सत्यवान वाघमारे, हरीश जैन
मार्गदर्शक : निलेश बागवे, अरुण देशपांडे, अमृता देशपांडे-कारखानीस
तरुणांना संदेश : खेळाडूंनी संघटित होण्याची गरज आहे.

अकॅडमीमध्ये शिकलेल्या खेळाडूंना व्यावसायिकदृष्ट्या अर्थार्जन कसे करता येईल, हा विचार करून दळवी यांनी ‘क्रिएटिव्ह स्पोर्ट्स सेंटर’ सुरू केले. फेब्रुवारी २०२० मध्ये ठाण्यात झालेल्या महापौर चषकस्पर्धेत क्रिएटिव्ह कॅरम अकॅडमी आणि स्पोर्ट्स सेंटरच्या एकूण चार संघांनी भाग घेतला होता. एकूण चोवीस संघ उतरलेल्या या चषक स्पर्धेत पहिले चारही पुरस्कार जितेंद्र दळवी यांच्या संघांनी जिंकले.

अकॅडमीमध्ये सध्या पाच मुख्य प्रशिक्षक आणि पाच साहाय्यक असे दहा प्रशिक्षक आहेत. सध्या ठाणे जिल्ह्यापुरती ही अकॅडमी मर्यादित असली तरी लवकरच मुंबई उपनगरातही याचे एक केंद्र सुरू होणार आहे. याशिवाय महाराष्ट्रभरात कुठेही कॅरम प्रशिक्षणाचा उपक्रम राबवायचा असल्यास अकॅडमी सर्वतोपरी सहकार्य करायला तत्पर आहे.

कॅरमचे शास्त्रशुद्ध प्रशिक्षण जास्तीत जास्त लोकांना देता यावे यासाठी जितेंद्र दळवी ‘कॅरमशॉट्स डॉट इन’ नावाने एक संकेतस्थळ सुरू करत आहेत. यावर कॅरम प्रशिक्षणाचे बेसिक तसेच अ‍ॅडव्हान्स कोर्सेस उपलब्ध असतील. ‘क्रिएटिव्ह कॅरम अकॅडमी’च्या यूट्यूब चॅनेलवरही कॅरम प्रशिक्षणाचे अनेक व्हिडीओ लोकांना पाहायला मिळतील.

जितेंद्र दळवी यांनी आपल्या स्वतःच्या आवडीला व्यवसायात रूपांतरित करून आज ते मोठं काम करत आहेत. त्यांच्या कामातून प्रेरणा घेऊन अनेक तरुणही आपल्या छंदातून अर्थार्जन करतील, अशी आशा बाळगू.

संपर्क : जितेंद्र दळवी – ९७६९३८०७५०

Author

  • शैलेश राजपूत

    शैलेश राजपूत हे 'स्मार्ट उद्योजक' मासिकाचे संपादक आहेत. पत्रकारितेचं शिक्षण झाल्यावर त्यांनी २००७ साली पत्रकारिता क्षेत्रात काम करायला सुरुवात केली. २०१० साली त्यांनी स्वतःचा व्यवसाय सुरू केला.

    व्यवसाय करताना त्यांना ज्या अडचणींना सामना करावा लागला त्याच अडचणी पहिल्या पिढीतील प्रत्येक मराठी उद्योजकाला येत असणार असा विचार करून यावर उपाय म्हणून त्यांनी २०१४ साली उद्योजक.ऑर्ग हे वेबपोर्टल सुरू केले व २०१५ साली स्मार्ट उद्योजक मासिक सुरू केले.

    संपर्क : ९७७३३०१२९२

    View all posts

तुमच्या जिल्ह्यामध्ये तुमचीही 'उद्योजक प्रोफाइल' तयार करायची असेल तर 9833312769 वर "उद्योजक प्रोफाइल" असा मेसेज whatsapp करा.

WhatsApp Group Join Now
Telegram Channel Subscribe
Facebook Page Follow

फक्त ₹२२२ मध्ये 'स्मार्ट उद्योजक'चे आजीवन सभासद होण्यासाठी येथे क्लिक करा.


WhatsApp Group Join Now
Telegram Channel Subscribe
Facebook Page Follow
error: Content is protected !!
Scroll to Top
उद्योजकाचं व्यक्तिमत्त्व कसं असावं?