एका शांत संध्याकाळी, गावातील एका छोट्या घरात बसलेला एक माणूस आपल्या कुटुंबासमवेत भविष्याचा विचार करत होता. तो माणूस होता जनार्दन पद्माकर पैठणे, ज्याने २०१७ साली ‘श्री यंत्र मशिनरी’ या आपल्या स्वप्नाला प्रत्यक्षात उतरवले.
ही कथा आहे त्याच्या प्रेरणादायी प्रवासाची, ज्याने स्वत:च्या अनुभवातून आणि मेहनतीने एक यशस्वी व्यवसाय उभा केला आणि अनेकांना स्वावलंबी बनवण्याचा मार्ग दाखवला.
जनार्दन यांचे बालपण एकत्र कुटुंबपद्धतीत गेले. त्यांच्या घरात पिठाची चक्की, पापड मशीन, शेवई मशीन यांसारख्या अन्नप्रक्रिया मशीनचा वापर व्हायचा. पण रेडीमेड मशीनमध्ये नेहमीच काही ना काही अडचणी यायच्या. मशीन भक्कम नसत, आऊटपुट समाधानकारक नसायचं आणि त्यासाठी दिलेले पैसे वाया गेल्यासारखे वाटायचे.
या समस्यांनी जनार्दन यांना विचार करायला भाग पाडलं. त्यांनी स्वत: या मशीनमध्ये बदल करायला सुरुवात केली. छोट्या-छोट्या प्रयोगांमधून त्यांना यश मिळत गेलं. शेवटी, त्यांनी स्वत:साठी मशीन तयार करण्याचा निर्णय घेतला, आणि यातूनच ‘श्री यंत्र मशिनरी’चा जन्म झाला.
‘श्री यंत्र’ नावामागची प्रेरणा
कोणत्याही शुभकार्याचा आरंभ श्री गणेशाच्या आशीर्वादाने होतो, या श्रद्धेतून जनार्दन यांनी आपल्या कंपनीचं नाव ‘श्री यंत्र’ ठेवलं. त्यांचा विश्वास होता की, दर्जेदार आणि विश्वासार्ह मशीन उपलब्ध करून देऊन ते केवळ व्यवसायच नव्हे, तर अनेकांचं आयुष्य बदलू शकतात.
त्यांनी पापड मशीन, शेवई मशीन, कांडप मशीन, पिठाची चक्की, रवा चाळण, तेलाचा घाणा, पल्वलायझर, घरघंटी, कुरडई मशीन आणि विविध प्रकारचे मिक्सर यांसारख्या मशीन तयार करण्यास सुरुवात केली. या मशीन केवळ रेडीमेडच नाहीत, तर ग्राहकांच्या गरजेनुसारही बनवल्या जातात.
जनार्दन यांना एक गोष्ट नेहमी खटकायची हजारो सुशिक्षित तरुण नोकरीच्या शोधात बेरोजगार राहतात किंवा कमी पगारावर खासगी नोकरी करतात, ज्यामुळे त्यांचं कुटुंब चालवणं कठीण होतं. त्यांना वाटलं, जर या तरुणांना स्वत:चा व्यवसाय सुरू करण्यासाठी योग्य साधनं आणि मार्गदर्शन मिळालं, तर ते स्वावलंबी होऊ शकतात.
याच विचाराने त्यांनी ‘श्री यंत्र मशिनरी’च्या माध्यमातून रास्त किमतीत दर्जेदार मशीन उपलब्ध करून देण्याचा संकल्प केला. त्यांनी मशीन बनवताना उच्च दर्जाचं साहित्य आणि उपकरणं वापरली, जेणेकरून ग्राहकांना कोणतीही तक्रार राहणार नाही.
तुमचा व्यवसाय हजारो वाचकांपर्यंत पोहोचवा
'स्मार्ट उद्योजक' पोर्टलवर तुमच्या व्यवसायाबद्दल सविस्तर Sponsored Article प्रकाशित करा आणि नवीन ग्राहकांपर्यंत पोहोचा.
🚀 अधिक माहिती
‘श्री यंत्र मशिनरी’ केवळ मशीन विकत नाही, तर एक विश्वासार्ह भागीदार बनतं. विक्रीपूर्वी ग्राहकांना मशीन हाताळण्याचं प्रात्यक्षिक दिलं जातं. त्यांना व्यवसायासाठी लागणाऱ्या भांडवल उभारणीच्या शासकीय योजनांबाबतही मार्गदर्शन केलं जातं. विक्रीनंतरही तात्काळ सेवा आणि आवश्यक मार्गदर्शन उपलब्ध आहे.
यामुळे महाराष्ट्रासह इतर राज्यांतील शेकडो ग्राहकांनी ‘श्री यंत्र मशिनरी’च्या मशीनद्वारे यशस्वी व्यवसाय उभे केले आहेत. आज ‘श्री यंत्र मशिनरी’ हा केवळ एक ब्रॅण्ड नाही, तर अनेक उद्योजकांच्या स्वप्नांचा आधार आहे. जनार्दन पैठणे यांचा हा प्रवास मेहनत, जिद्द आणि समाजाप्रती कर्तव्याची भावना यांचं प्रतीक आहे.
त्यांचा मानस आहे की, यापुढेही हजारो तरुणांना अन्नप्रक्रिया उद्योगाच्या माध्यमातून स्वावलंबी बनवायचं. वणी, दिंडोरी, नाशिक येथून सुरू झालेला हा प्रवास आता देशभर पोहोचला आहे आणि येणाऱ्या काळात आणखी मोठी स्वप्नं पूर्ण करण्यासाठी ‘श्री यंत्र मशिनरी’ सज्ज आहे.
कंपनीचे मालक : जनार्दन पद्माकर पैठणे
मु.पो. वणी, ता. दिंडोरी, जि. नाशिक
संपर्क : 9422772659 / 8421100027
Author
तुमची यशोगाथा हजारो वाचकांपर्यंत पोहोचवा
तुमचा व्यवसाय वेगळा आहे. तुमचा प्रवास प्रेरणादायी आहे. आता ही कथा अधिकाधिक लोकांपर्यंत पोहोचवण्याची वेळ आली आहे.
'स्मार्ट उद्योजक' मासिकात तुमची उद्योजक कथा प्रकाशित करून मिळवा:
- ✅ ब्रँड व्हिजिबिलिटी
- ✅ व्यावसायिक प्रतिष्ठा
- ✅ ग्राहकांचा वाढता विश्वास
- ✅ सोशल मीडिया प्रमोशन
तुमची कथा पुढील अंकात प्रसिद्ध करण्यासाठी अर्ज करा.
🚀 येथे क्लिक करा