Advertisement
उद्योगोपयोगी

एन.एल.पी – मार्केटिंग व सेल्स

‘स्मार्ट उद्योजक’ WhatsApp आवृत्ती शुभारंभ ऑफर
WhatsApp द्वारे संपूर्ण ‘स्मार्ट उद्योजक’ मासिक वर्षभर मिळवा फक्त रु. ६० मध्ये : http://imojo.in/2eucnd

मोठमोठ्या कंपनीमध्ये मार्केटिंग व सेल्सचे नियोेजन करण्यासाठी तसेच उद्योगातील मार्केटिंग वृद्धीसाठी धोरणे आखली जातात; परंतु एका सामान्य उद्योजकाला हे मार्केटिंग व सेल्सचे काम तसेच त्या अनुषंगाने येणारी आव्हाने आणि त्याबद्दलची आखणी व धोरणे स्वत:च करावी लागतात आणि प्रश्‍नसुद्धा स्वत:च सोडवावे लागतात.

मार्केटिंगमध्ये येणारी आव्हाने

  • उद्योगाबद्दल तसेच आपल्या प्रॉडक्ट किंवा सर्व्हिसेेसची अपूर्ण माहिती.
  • उद्योगाला सर्वांसमोर मांडण्याची भीती किंवा न्यूनगंड
  • आपल्याला समोरच्या ग्राहकाची अपूर्ण माहिती किंवा ग्राहकाच्या आवश्यकतेची अपूर्ण माहिती.
  • ग्राहकाला अपूर्ण सादरीकरण.
  • मार्केटची आवश्यकता आणि पुरवठ्याचा बिघडलेला अंदाज.
  • नावीन्यतेची कमतरता
  • प्रॉडक्टबद्दल आवश्यकता निर्माण करण्याची कमतरता.
  • योग्य पद्धतीच्या मार्केटिंगची कमी.

एन.एल.पी. – मार्केटिंग व सेल्स

एन.एल.पी. म्हणजे आपल्या मनाच्या किंवा मेंदूच्या माध्यमातून आपल्या वर्तनात, स्वभावात आणि सवयीत बदल करणे. एन.एल.पी. मार्केटिंग व सेल्स म्हणजे आपल्या मनाचे मेंदूचे मार्केटिंग व सेल्ससाठी केले जाणारे प्रोगॅमिंग ज्याच्या मदतीने आपण स्वत:मध्ये आपल्या उद्योगात आणि मार्केटिंग व सेल्समध्ये बदल करू शकतो. त्याचप्रमाणे आपण आपल्या ग्राहकाला आवश्यकतेप्रमाणे प्रॉडक्ट किंवा सर्व्हिसेसचा पुरवठा करू शकतो.

एन.एल.पी. – मार्केटिंग व सेल्सच्या माध्यमातून उद्योग कसा वाढतो?

एन.एल.पी. – मार्केटिंग व सेल्सच्या माध्यमातून आपण आपल्या ग्राहकाची मानसिकता ओळखू शकतो त्याचप्रमाणे त्यांची आवश्यकता शोधू शकतो आणि जर आपल्याला आवश्यकता समजली तर त्यांच्या आवश्यकतेप्रमाणे प्रॉडक्ट किंवा सर्व्हिसेसचा पुरवठा करू शकतो. एन.एल.पी. – मार्केटिंग व सेल्सचा दुसरा फायदा म्हणजे आपण स्वत:ची, उद्योगाची तसेच आपल्या कर्मचार्‍यांची व ग्राहकांची योग्यरीत्या काळजी घेऊ शकतो आणि योग्य सकारात्मक बदल घडवू शकतो.

याबद्दल काही टिप्स

  • ग्राहकाच्या आवडीनिवडीचा अंदाज घेऊन त्या पूर्ण करण्याचा प्रयत्न करणे.
  • आपल्या स्वत:च्या आणि कर्मचार्‍यांच्या नातेसंबंधांना सुधारण्याचा प्रयत्न करणे.
  • स्वत:च्या आणि समोरच्याच्या भावनांचा आणि दृष्टिकोनाचा विचार करणे.
  • आपल्या उद्योगात थीम आणि एक लय निर्माण करून त्याचे मार्केटिंग करणे.
  • स्वत:च्या व्यक्तिमत्त्वाला ओळखणे आणि त्याच प्रकारच्या उद्योगाची आणि मार्केटिंग करण्याची सुरुवात करणे.
  • आपल्या प्रॉडक्ट किंवा सर्व्हिसेसमध्ये नाविन्य आणणे.
  • संमोहन करणार्‍या शब्दांचा प्रयोग करणे.
  • आपल्या सहा सेन्सेसला जागृत करणे आणि त्यांची जागृतता वाढवणे.
  • मार्केटिंगसाठी स्वत:चा एक पट्टा आखून घेणे आणि त्यावर मार्केटिंग करायला सुरू करणे.
  • चाकोरीबाहेर जाऊन विचार करणे आणि नवीन उद्योग व त्यावर अवलंबून असलेले जोडउद्योग निर्माण करणे.
  • समोरच्याच्या हावभावाला मिळते-जुळते हावभाव आणणे. त्यात आपल्या चेहर्‍याचे हावभाव विशेष करून येतात.

Smart Udyojak | e-Magazines | All Issues

कसा करावा Report?

  • चेहर्‍यावर स्मितहास्य आणणे.
  • आत्मविश्‍वासाने हस्तांदोलन
  • नजरेला नजर देऊन व समोरच्याच्या भिवयांमध्ये बघून बोलणे.
  • समोरच्याचे विचार आणि हावभाव जाणून घेणे आणि त्याप्रमाणे आपल्या चेहर्‍यावर हावभाव आणणे.
  • समोरच्याच्या श्‍वासोच्छ्वासाशी आपले श्‍वसन जुळवणे.
  • आवाजाशी, चेहर्‍याच्या हावभावाशी, भाषाशैलीशी जुळवणे.
  • मधूनमधून विविध प्रलोभने देऊ करणे आणि समोरच्याचे मन जिंकण्याचा प्रयत्न करणे.
  • स्वत:च्या भावनांवर नियंत्रण ठेवून डील करणे.
  • सतत शिकणे आणि स्वत:मध्ये, उद्योगात, मार्केटिंगमध्ये बदल करणे.
  • स्वत:ला आणि घरच्यांना वेळ देणे.

या गोष्टी टाळाव्या

  • अनेक तंत्रांचा उपयोग
  • अनेक मार्केटिंग व सेल्सच्या तंत्रांचा वापर
  • स्वत:चे मानसिक स्वास्थ्य खराब करून घेणे
  • हजार प्रॉडक्ट किंवा सर्व्हिसेसची माहिती ग्राहकाला एकाच वेळेला देणे
  • बळजबरी करून ऑर्डर घेण्याचा प्रयत्न करणे

एकवीस दिवसांचा प्लॅन

  • १-७ दिवस : स्वत:शी आरशासमोर उभे राहून बोलण्याचा प्रयत्न करणे, जेणेकरून आपली बोलण्याची भीड चेपेल. त्याचप्रमाणे आपले संभाषण सुधारेल.
  • ८-१५ दिवस : घरच्यांशी आणि मित्रपरिवाराशी संबंध जोडण्याचा प्रयत्न करणे.
  • १६-२१ दिवस : जुन्या ग्राहकांशी पुन्हा जुळण्याचा प्रयत्न त्याचप्रमाणे त्याचा आढावा घेणे.

२२ – पुढे दररोज स्वत:ला सकारात्मक विचारांचा खुराक द्या. एकवीस दिवस जर आपण सातत्याने पाठपुरावा करू तर नक्कीच यश आपल्याला सर्वोच्च शिखरावर पोहोचवेल.

– डॉ. शिवांगी झरकर
९८६७८१५२५३
dr.shivangi.phd@gmail.com


तरुण मग तो शहरातला असोत की खेड्यातला; आजच्या या प्रत्येक तरुणाचं स्वप्न आहे उद्योजक होण्याचं, 'Entrepreneur' होऊन स्वत:चं 'Enterprise' निर्माण करण्याचं. परंतु तो अनेक प्रश्नांनी ग्रासला आहे. काय सुरू करू? कसं सुरू करू? कोण मदत करेल? पैसा कुठून उभा करू? मार्केटिंग मला जमेल का? कर्मचारी कसे निवडू? त्यांच्याकडून काम कसं करून घेऊ? असे हजारो प्रश्न त्याला रोज पडतात.

प्रत्येक मराठी नवोदित उद्योजकाच्या या सर्व प्रश्नांची उत्तरं आहेत, 'स्मार्ट उद्योजक' मासिकाच्या ३५ अंकाच्या या डिजिटल सेटमध्ये! मूळ १,२१० रुपयांचा हा सेट फक्त रु. ३०० मध्ये उपलब्ध!

Book here: https://bit.ly/2sz7mQb


Optimization WordPress Plugins & Solutions by W3 EDGE
Help-Desk
%d bloggers like this: