आपण एकविसाव्या शतकातले उद्योजक आहात का?


₹७५० मध्ये स्मार्ट उद्योजक® मासिक वर्षभर रजिस्टर पोस्टाने घरपोच मागवा आणि त्यावर ₹२०० किंमतीचे 'एकविसाव्या शतकातील उद्योगसंधी' हे पुस्तक मोफत मिळवा. आजच ऑर्डर करा https://bit.ly/2YzFRct


मार्च महिना आपल्या सगळ्यांसाठीच लक्ष्यपूर्तीचा महिना आहे. ३१ मार्चपर्यंत आपण सगळेच आपआपली व्यावसायिक उद्दिष्ट्ये पूर्ण करण्याच्या धावपळीत असतो. एकूणच या धावपळीचा क्षीण घेऊन आपण नव्या अर्थिक वर्षात प्रवेश करत असतो. नव्या वर्षात आदल्या वर्षीपेक्षा मोठे लक्ष्य डोळ्यांसमोर ठेऊन ते पूर्ण करण्याचा आराखडाही तयार करतो.

हा सारा घटनाक्रम उद्योजकीय जीवनात नित्याचाच आहे. पण यावर्षी आपण यामध्ये थोडा बदल करण्याची आवश्यकता आहे. आपण एकविसाव्या शतकातले उद्योजक आहोत. त्यामुळे आपली व्यवसाय करण्याची पद्धत हीसुद्धा जर का एकविसाव्या शतकाप्रमाणे नसेल, तर आपण कितपत यशस्वी होऊ शकू याबद्दल शंका आहे.

विसावे शतक मावळत असतानाच ई-कॉमर्स युगाचा प्रारंभ झाला. एकविसाव्या शतकात हे क्षेत्र दिवसागणिक विकसित होत आहे. तज्ज्ञांचे ठाम मत आहे की आणखी पाच ते दहा वर्षांत जे व्यवसाय ई-कॉमर्सचा अंगिकार करणार नाहीत ते निश्‍चितच संपुष्टात येतील.

ई-कॉमर्सचा अंगिकार करणे याचा अर्थ स्वत:ची ई-कॉमर्स वेबसाइट असणे गरजेचे आहे असे नाही. आज ई-कॉमर्ससाठी विविध प्लॅटफॉर्म उपलब्ध आहेत. रोज नव्याने मार्केटप्लेसेस सुरू होत आहेत. आपण त्यांच्याशी जोडले जाऊ शकतो. पारंपारिक जाहिरातींवरील खर्च कमी करून आधुनिक माध्यमांद्वारे लाखो ग्राहकांपर्यंत पोहोचणे शक्य आहे.

यातील बरेच प्लॅटफॉर्म हे तुमच्या उत्पादनांची आधुनिक पद्धतीने जाहिरातही करतात व तुम्हाला तुमचा माल विकूनही देतात. गरज आहे ती फक्त तुम्ही पुढाकार घेऊन स्वत:च्या व्यवसायाला एकविसाव्या शतकात घेऊन जाण्याची.

– शैलेश राजपूत

Author

  • शैलेश राजपूत

    शैलेश राजपूत हे 'स्मार्ट उद्योजक' मासिकाचे संपादक आहेत. पत्रकारितेचं शिक्षण झाल्यावर त्यांनी २००७ साली पत्रकारिता क्षेत्रात काम करायला सुरुवात केली. २०१० साली त्यांनी स्वतःचा व्यवसाय सुरू केला.

    व्यवसाय करताना त्यांना ज्या अडचणींना सामना करावा लागला त्याच अडचणी पहिल्या पिढीतील प्रत्येक मराठी उद्योजकाला येत असणार असा विचार करून यावर उपाय म्हणून त्यांनी २०१४ साली उद्योजक.ऑर्ग हे वेबपोर्टल सुरू केले व २०१५ साली स्मार्ट उद्योजक मासिक सुरू केले.

    संपर्क : ९७७३३०१२९२

WhatsApp Group Join Now
Telegram Channel Subscribe
Facebook Page Follow

फक्त ₹२२२ मध्ये 'स्मार्ट उद्योजक'चे आजीवन सभासद होण्यासाठी येथे क्लिक करा.


WhatsApp Group Join Now
Telegram Channel Subscribe
Facebook Page Follow
error: Content is protected !!
Scroll to Top
उद्योजकाचं व्यक्तिमत्त्व कसं असावं?