कार्यप्रवण व्हा!

आपल्या प्रगतीसाठी दुसरं कोणी, मग ते शासन, प्रशासन, राजकारणी, समाजकारणी इत्यादी कोणीही काम करेल याची वाट न पाहत बसता, आपल्यालाच आपल्यासाठी आपला वेळ, शक्ती, बुद्धी आणि सर्वस्व गुंतवले पाहिजे. किती काळ अंथरूण पाहूनच पाय पसरणार? कधी तरी अंथरूण मोठं करण्याचा विचार केला पाहिजेच ना? आणि हा नुसता विचार करून चालणार नाही, तर त्यासाठी प्रयत्न आणि मेहनतही करावी लागणार आहे.

आपल्या घरात सुबत्ता यायची असेल, तर आपल्यालाच आपली कार्यप्रवणता वाढवली पाहिजे. ‘ठेविले अनंते तैसेची रहावे’, ही वृत्ती सोडून मराठी माणसाने अधिकाधिक सुबत्ता मिळवण्याकडे लक्ष केंद्रित केले पाहिजे; म्हणजेच नोकरी वा कसाबसा चाललेला व्यवसाय-व्यापार याच उत्पन्नाच्या एकाच मार्गावर अवलंबून न राहता त्याच्या जोडीला काही तरी जोडधंदा केला पाहिजे.

यातूनच आपल्याला आपली स्वप्नं पूर्ण करता येणार आहेत, संपत्ती निर्माण करता येणार आहे, गुंतवणूक करता येणार आहे. यातूनच संपूर्ण महाराष्ट्र आणि देश खर्‍या अर्थाने प्रगत होईल.

एक सामान्य नोकरदार आणि उद्योजक यांच्यात मूलभूत फरक हाच आहे की, नोकरदार तयार केलेल्या यंत्रणेनुसार सांगितले जाईल तितकेच काम करतो आणि उद्योजक हा स्वत:ची यंत्रणा निर्माण करतो.

उद्योजकतेची सुरुवात ही स्वावलंबनातून होते. तुम्हीही उद्योजक होण्याचा विचार करत असाल, तर नोकरदारीतील परावलंबी मानसिकता सोडून कार्यप्रवण व्हा!

– शैलेश राजपूत

Table of Contents

Author

  • शैलेश राजपूत

    हे 'स्मार्ट उद्योजक' मासिकाचे संपादक आहेत. पत्रकारितेचं शिक्षण घेऊन २००७ साली पत्रकारिता सुरू केली. त्यानंतर २०१० साली त्यांनी स्वतःचा व्यवसाय सुरू केला. व्यवसाय करताना त्यांना ज्या अडचणींना सामना करावा लागला त्याच अडचणी पहिल्या पिढीतील प्रत्येक मराठी उद्योजकाला येत असणार, असा विचार करून यावर उपाय म्हणून २०१५ साली स्मार्ट उद्योजक मासिक सुरू केले.
    संपर्क : ९७७३३०१२९२

    View all posts
Sponsored Article

तुमचा व्यवसाय हजारो वाचकांपर्यंत पोहोचवा

'स्मार्ट उद्योजक' पोर्टलवर तुमच्या व्यवसायाबद्दल सविस्तर Sponsored Article प्रकाशित करा आणि नवीन ग्राहकांपर्यंत पोहोचा.

🚀 अधिक माहिती
WhatsApp Channel Join Now
Telegram Channel Subscribe
Facebook Page Follow
Register your business on the Maharashtra Business Directory and get a FREE LIFETIME SUBSCRIPTION to Smart Udyojak B2B Connect
Click here to Register
error: Content is protected !!
Scroll to Top