महाराष्ट्रभरात रोजगारनिर्मितीसाठी ‘जयतु इंडिया’

jayatu india story

कोरोना काळात अनेकांचे रोजगार गेलेले दिसत होतं. गावाकडून शहरात नोकर्‍यांना जाणारी लोक परत येत होती. सर्वच प्रकारच्या उद्योगधंद्यांची वाताहत होताना दिसत होतं. अशा परिस्थितीत आपण काही केलं पाहिजे, जेणेकरून या लोकांना आपण काही मदत करू शकू; या उद्देशाने चार-पाच मंडळी एकत्र आली आणि जन्म झाला ‘जयतु इंडिया सॉल्युशन्स प्रायव्हेट लिमिटेड’चा.

गावातून शहरात जाऊन नोकर्‍या करण्याऐवजी गावातच लोकांच्या हातात काही रोजगार देता येईल का यावर विचार सुरू होते. या विचारांचाच परिपाक म्हणजे ‘जयतु इंडिया’चं स्वरूप आहे. संस्थापक संचालक प्रवीण राठोड, दीपाली परदेशी विश्वकर्मा आणि त्यांचे सहकारी यांची आपल्या ग्रामीण समाजासाठी ठोस काही निर्माण करण्याची तळमळ आपल्याला ‘जयतु इंडिया’मध्ये पाहायला मिळते.

यवतमाळ जिल्ह्यात पुसद तालुक्यात 24 डिसेंबर 2020 या दिवशी ‘जयतु इंडिया’ची मुहूर्तमेढ रोवली गेली. सुरुवात बीपीओ आणि केपीओच्या कामांपासून करण्यात आली. म्हणजे अनेक स्टार्टअप्स तसेच लहान-मोठ्या व्यवसायांना लागणारी विविध मनुष्यबळाची कामे ‘जयतु इंडिया’ आपल्या खांद्यावर घेऊ लागला.

जसे की बिझनेस प्रोसेसेस, कस्टमर हँडलिंग, टेली मार्केटिंग, डिजिटल मार्केटिंग, सोशल मीडिया मेकअप अशी विविध कामे या व्यवसायांसाठी ‘जयतु इंडिया’मधून होऊ लागली. यामुळे व्यवसायांचाही विविध प्रोसेसेसवर होणारा खर्च कमी होतो.

रोजगारनिर्मिती हा ‘जयतु इंडिया’चा उद्देश असल्याने ठराविक अशा कोणत्याही एकाच कामावर कंपनी बांधील राहिली नाही, तर जसजशे नवनवीन प्रकल्प हाती घेता येतील आणि त्या माध्यमातून ग्रामीण तरुण आणि महिलांना रोजगार मिळवून देता येईल, यावर ‘जयतु’ने लक्ष केंद्रित केलं.

तरुण आणि महिलांना डिजिटल मार्केटिंग आणि सोशल मीडियाचे प्रशिक्षण देऊन विविध प्रॉडक्ट्स विकायला शिकवणे आणि त्याद्वारे अर्थार्जनाची संधी उपलब्ध करून देण्याला ‘जयतु इंडिया’ने सुरुवात केली. भविष्यात महाराष्ट्रातील प्रत्येक पिनकोडमध्ये एका तरी कुटुंबाला रोजगार द्यायचा, असा ‘जयतु इंडिया’चा प्रयत्न राहील.

नितीन गडकरी केंद्रिय लघुउद्योग मंत्री असताना गोधनाद्वारे तयार केलेला रंग, ज्याचे उत्पादन खादी ग्रामोद्योग करते या ‘खादी पाकृतिक पेंट’ची संपूर्ण पुणे जिल्हा आणि विदर्भातील वितरणाची जबाबदारी ‘जयतु इंडिया’ने आपल्या खांद्यावर घेतली आहे.

WhatsApp Channel Banner

शैक्षणिक क्षेत्रात ‘जयतु इंडिया’कडे ‘तेज दिमाग’ या एज्युटेक कंपनीचे महाराष्ट्र आणि गोव्यात वितरण आहे. ‘तेज दिमाग’वर सध्या शालेय शिक्षणाव्यतिरिक्त नऊ वेगवेगळे कोर्स आहेत. ‘तेज दिमाग’च्या संपूर्ण विस्ताराचं काम ‘जयतु इंडिया’ पाहत आहे. महाराष्ट्रात सध्या 62 केंद्र सुरू आहेत.

‘जयतु इंडिया’ प्रो हार्वेस्ट बॅगचीही विक्री करते, जी शेतकर्‍यांसाठी उपयुक्त आहे. यामध्ये कोणतेही धान्य, कडधान्य, सुका मेवा ठेवल्यास त्याला दोन वर्षांपर्यंत कीड लागत नाही, शिवाय चार वर्षांपर्यंत ही बॅग पुन्हा वापरता येते.

पुण्यात 300 ते 350 सोसायट्यांमध्ये ‘जयतु इंडिया’ने नेटवर्क उभं केलं आहे. शेतकरी उत्पादक संस्था किंवा स्वयंरोजगार संस्था यांना थेट विक्रीसाठी उपलब्ध करून देऊ शकतात.

‘जयतु इंडिया’च्या माध्यमातून आतापर्यंत 35 हजारहून अधिक कुटुंबांपर्यंत प्रत्यक्ष वा अप्रत्यक्ष पोहोचले आहे, असे ‘संस्थापक प्रवीण राठोड सांगतात. महाराष्ट्रभरात तालुका पातळीवर तसेच पिनकोड पातळीवर ‘जयतु इंडिया’ आपले प्रतिनिधी नेमत आहे. त्यांना प्रशिक्षण देऊन त्यांच्या हाताला काम दिले जाईल. यासाठी इच्छूक प्रत्येकजण ‘जयतु इंडिया’ला संपर्क करू शकतात.

संपर्क – 9423432532

Table of Contents

Author

  • शैलेश राजपूत

    हे 'स्मार्ट उद्योजक' मासिकाचे संपादक आहेत. पत्रकारितेचं शिक्षण घेऊन २००७ साली पत्रकारिता सुरू केली. त्यानंतर २०१० साली त्यांनी स्वतःचा व्यवसाय सुरू केला. व्यवसाय करताना त्यांना ज्या अडचणींना सामना करावा लागला त्याच अडचणी पहिल्या पिढीतील प्रत्येक मराठी उद्योजकाला येत असणार, असा विचार करून यावर उपाय म्हणून २०१५ साली स्मार्ट उद्योजक मासिक सुरू केले.
    संपर्क : ९७७३३०१२९२

    View all posts

Leave a Comment

Your email address will not be published. Required fields are marked *

Sponsored Article

तुमचा व्यवसाय हजारो वाचकांपर्यंत पोहोचवा

'स्मार्ट उद्योजक' पोर्टलवर तुमच्या व्यवसायाबद्दल सविस्तर Sponsored Article प्रकाशित करा आणि नवीन ग्राहकांपर्यंत पोहोचा.

🚀 अधिक माहिती
WhatsApp Channel Join Now
Telegram Channel Subscribe
Facebook Page Follow
Register your business on the Maharashtra Business Directory and get a FREE LIFETIME SUBSCRIPTION to Smart Udyojak B2B Connect
Click here to Register
error: Content is protected !!
Scroll to Top