सैन्यात जाता आलं नाही, पण उद्योजक होण्याचं स्वप्न साकारलं

एका खेडेगावातून येऊन या धावत्या पुण्यात व्यवसायाला सुरुवात केली. हातावरील रेषेत भाग्य न शोधता कपाळावरील घामात भविष्य शोधण्यासाठी उद्योजक वैभव अमृत पाटील यांचा प्रवास सांगली शिरढोण ते पुणे व्हाया रायपूर छत्तीसगड, क्लर्क ते सिक्युरिटी कंपनीचा मालक असा झाला.

वैभव यांचा जन्म मध्यमवर्गीय कुटुंबात ग्रामीण भागात झाला. आजोबा गावचे पोलीस पाटील आणि वडील एसटी ड्रायव्हर होते. आईचे शिक्षण नसतानाही मुलांना शिकवण्याची तिची तळमळ होती. तसा लहानपणीचा काळ थोडा हलाखीचा गेला. माध्यमिक शिक्षणात लक्ष कमी खेळाकडे जास्त असे. आर्मीत जाण्याचे आणि सैन्याचा गणवेश चढवण्याचे खूप वेड होते; पण तिथेही अपयश, म्हणून उच्च माध्यमिक शिक्षण पूर्ण केले. यामध्ये एमबीए आणि एम. कॉम अशा पदव्या संपादित केल्या.

यानंतर ध्येय निश्चित केले आणि पाच वर्षाच्या कालावधीत जॉब करत जयप्रकाश असोसिएट्स या नावाने इलेक्ट्रिकल कंत्राट घेतले येथे कंत्राटी पद्धतीत काम करत होतो. काम करत असताना तेथेच सर्व विभागातील ज्ञान आत्मसात केले या अनुभवानंतर ‘यशराज बिझनेस ग्रुप’ या नावाखाली ‘यशराज सिक्युरिटी सर्विस’ आणि ‘यशराज मल्टी सर्विस’ या नावाने कंपनी चालू केली. यात सुरुवातीला खूप अडचणी, अपयश आले, परंतु न डगमगता यशाचा जप कायम ठेवला. या सर्व प्रवासात कुटुंबाने आणि मार्गदर्शकांनी मोलाची साथ दिली. त्यात शिक्षणही कामी आले.

आयुष्यात काहीतरी वेगळे करायचे या गोष्टीने झपाटले होते. यशराज बिझनेस ग्रुप यशस्वीरीत्या कार्यरत आहे. येणाऱ्या काळात महाराष्ट्रभर काम वाढवायचे आहे. पुढे खूप काही करायचे आहे, पुढे यश खुणावत आहे.

तुमचीही नोंद ‘महाराष्ट्र उद्योजक सूची’मध्ये करण्यासाठी येथे क्लिक करा.