उद्योजकाची गरुडझेप


₹७५० मध्ये स्मार्ट उद्योजक® मासिक वर्षभर रजिस्टर पोस्टाने घरपोच मागवा आणि त्यावर ₹२०० किंमतीचे 'एकविसाव्या शतकातील उद्योगसंधी' हे पुस्तक मोफत मिळवा. आजच ऑर्डर करा https://bit.ly/2YzFRct


काही दिवसांपूर्वीच मी हा फोटो आणि त्याविषयीची एक कथा ऐकली. मला या गोष्टीबद्दल फारच अप्रूप वाटलं आणि मी ठरवलं की ही फक्त एक गोष्ट नाही तर एक प्रेरणास्रोत आहे. म्हणून आपल्या सर्वांसमोर ही गरुडझेपरुपी छोटी कथा सादर करायचं ठरवलं.

गरुडाच्या मागील बाजूस बसलेली प्रतिमा एका कावळ्याची आहे. त्यात असं दिसतंय की आकाशात उंच उंच उडताना कावळा गरुडाला चावत आहे आणि कथा अशी आहे की, कावळ्याच्या उड्डाणक्षेत्राच्या कक्षेत शिकार करण्याकरता एक गरुड अचानक घिरट्या घालतो आणि कावळ्याच्या एका थव्याला ते रुचत नाही. त्यातील एक गर्विष्ठ कावळा त्याच्या बाकी साथीदार्‍यांना आपली हुशारी आणि उगाचचा गर्व बाळगून म्हणतो की, ‘आज या गरुडाला मी दाखवतोच की आकाशाचा खरा बादशहा कोणे ते!’

तो गर्वीष्ठ उन्मत्त कावळा सरळ गरुडावर चाल करून जातो आणि गरुडाच्या मागील बाजूस जाऊन त्याचा पाठीचा आणि मानेजवळच्या भागाचा चावा घेण्यास सुरुवात करतो. गरुडाचे पंख आपल्या चोचीने टोचतो. गरुड शांतपणे काही काळ ते सहन करतो.

गरुड प्रतिसाद देत नाही किंवा कावळ्याशी भांडत नाही आणि अचानक गरुड आपले पंख विस्तारत आकाशात उंच उंच उडू लागतो. गरुड जितके जास्त उडतो, तितकेच कावळ्याला श्वास घेणे कठीण होते आणि नंतर श्वासाच्या कमतरतेमुळे, कावळा खाली पडून मरण पावतो आणि गरुड मुक्त संचार करतो.

यातून काय शिकण्यासारखे आहे?

आयुष्यातील सर्व आव्हानांचे प्रतिनिधित्व करतो तोच हा कावळा. लोकांचे बोलणे, त्यांचे आपल्या प्रती असलेले विचार, मत, टीका, याविरुद्ध आपण प्रत्येक गोष्टाशी लढाई करणे, आपली मौल्यवान ऊर्जा चुकीच्या व्यक्तींसाठी वाया घालवणे आणि शेवटी डोकेफोड करण्याची पाळी येणे किंवा आपण गरुडासारखे कमाल उंचावू शकता आणि आपली सर्व आव्हाने संललेली पाहू शकता.

साध्या भाषेत सांगायचे तर आपल्या आयुष्यातील कावळेरुपी संकटांवर अथवा लोकांवर फुकट वेळ खर्ची करणं थांबवा आणि स्वत:च्या कर्मावर, पंखांवर विश्वास ठेवा आणि झेप घ्या सर्व आकाश तुमचंच आहे.

  • जेव्हा लोक आपल्यावर टीका करतात, तेव्हा उच्च स्थानी जा.
  • जेव्हा आयुष्य आपणास आव्हान देईल, उच्च व्हा उंच उडा.
  • जेव्हा आपल्यावर डोकावण्यासारख्या सतत समस्या उद्भवतात तेव्हा, उंच जा आसमंत तुमचाच आहे.

आपण आपले चांगले काम, कर्म करून वर जाऊच शकतो. अधिक जाणून घ्या जेणेकरून आपण अधिक योग्य पद्धतीने आणि स्मार्टपणे आपले ध्येय गाठू शकता जेणेकरून प्रसंगी आपल्या कर्तृत्वानेच, आपल्या कामानेच, आपल्या टीकाकारांना चांगले उत्तर देऊ शकता.

जेव्हा ‘संकटरूपी कावळे’ आपल्या आजूबाजूला दिसतात तेव्हा ते फार काळ राहणार नाहीत, कारण ते आपल्या स्तरावर टिकण्यास सक्षम नसतात. आपण उंचावर असलो की ती आव्हाने गायब होतात. जेव्हा आपण समस्या हाताळण्यास पुरेसे नसतो तेव्हाच समस्या आपल्याला त्रास देऊ शकतात. जेव्हा आपण सुधारता, तेव्हा आपले जीवन सुधारते.

जेव्हा आपण सुधारता, तेव्हा आपला समस्यांकडे बघण्याचा दृष्टिकोन आणि त्यावर प्रतिसाद देण्याचा कलही बदलतो आणि यालाच स्वत:ची प्रगती म्हणतात. गरुडाकडून खूप काही शिकण्यासारखे आहे. चला पटकन बघुयात एका उद्योजकाला यातून काय शिकता येईल ते.

१. गरुड उंच आकाशात प्रसंगी एकट्याने झेपावतात

जे एकल उड्डाण करणारे आहेत, त्यांचे पंख सर्वात मजबूत आहेत. म्हणून एकट्याने उड्डाण करण्यास, एकट्याने चालण्यास घाबरू नका. तुम्हाला एकटे चालले पाहिजे. नकारात्मकतेच्या वर उडा. एकट्याने आपला प्रवास सुरू करा आणि जर आपण एकट्याने उड्डाण करणे, एकट्याने चालणे शिकलात तर आपण सर्वात सामर्थ्यवान मनुष्य व्हाल. शेवटी तुमच्या योग्यतेचे तुमच्या स्तराचे इतरही गरुडरुपी उद्योजक मित्र मंडळी तुम्हाला लाभतील. तुमचा आत्मविश्वास वाढेल.

२. गरुडाला वादळ आवडतात

सर्व पक्ष्यांना पाऊस आणि वादळांच्या वेळी निवारा आणि विश्रांतीचा प्रदेश सापडतो. सर्व पक्षी पाऊस आणि वादळ टाळण्याचा प्रयत्न करतात, परंतु गरुड पाऊस आणि वादळाचे स्वागत करतो. ते आव्हानातून जाण्यासाठी उत्सुक आहेत. त्यांना ढगांच्या वर वादळाच्या दरम्यान उंच उडतो आणि अशाप्रकारे तो अधिक मजबूत होतो.

म्हणून आपल्या आयुष्यातील आव्हानांपासून पळत जाऊ नका. पळून जाण्याऐवजी त्यांचे स्वागत करा आणि आव्हान आणि कठीण काळाबद्दल उत्साहित व्हा. सामना करा. आपण जितके आव्हानांचा सामना कराल तितकी आपल्याला जास्त संधी मिळेल आणि तेवढे जास्त आपण प्रबळ होणारच.

३. गरुडांकडे नेहमी दूर दृष्टी असते

गरुड त्यांच्या लक्ष्यांवर लक्ष केंद्रित करतो भय नसते त्याला इतर कशाचे. एखाद्या प्राण्याची शिकार करण्याचे लक्ष्य ठेवल्यानंतर गरुड त्याची दृष्टी त्यावरच रोखून धरतो आणि त्याकडेच आपले लक्ष केंद्रित करतो. जोपर्यंत ते त्याची शिकार करत नाहीत, तोपर्यंत त्यांचे लक्ष हलवणार नाही.

त्याचप्रकारे लेझरप्रमाणे लक्ष द्या. लेझर फोकस आपले विचलन मर्यादित करेल आणि आपले ध्येय साध्य करण्यात आपली मदत करेल. जे एकाच वेळी एका गोष्टीवर लक्ष केंद्रित करतात ते या जगात प्रगती करतात. त्यामुळे अडथळे काय आहेत याकडे लक्ष देऊ नका.

४. गरुड मृत किंवा जुन्या गोष्टी खात नाही

गरुड मृत किंवा जुन्या गोष्टी खात नाही. आपल्याला माहीत आहे की इतर पक्षी त्यांना जे मिळेल तो खाता मग तो मेलेला असो शिळा असो किंवा पडलेला, सडलेला असो. कावळा कचरा, मेलेला, सडलेला, मृत गोष्टी खातो, परंतु गरुड केवळ ताजे शिकार खातात. त्याचप्रमाणे आपण गरुडसारखे वृत्ती बाळगू इच्छित असाल तर भूतकाळात अडकून तुमची ऊर्जा वाया घालवू नका, कारण जे गेले ते संपले. जे केले ते पूर्ण झाले.

भूतकाळ सोडून पुढे जा. आपल्याला दोन गोष्टी माहीत आहेत ज्या आपल्याला आनंदी होण्यापासून प्रतिबंधित करतात. एक म्हणजे कोणी भूतकाळात जगत आहे आणि दुसरी म्हणजे इतरांची कॉपी करत आहे. गरुड कधीही इतरांचे निरीक्षण करत नाही ना भूतकाळात जगतात.

५. पुनर्जन्म

गरुडाविषयी एक प्रेरणादायी आख्यायिका आहे की गरुडाला वयाच्या चाळीसाव्या वर्षी एक वेदनादायक निर्णय घ्यावा लागतो. मरण किंवा पुनर्जन्माच्या वेदनादायक प्रक्रियेद्वारे त्याचे आयुष्य आणखी तीस वर्षे वाढते. या प्रक्रियेमध्ये स्वत:ची चोच ठोठावणे आणि त्याची नखे काढण्याचे कष्टदायक कार्य समाविष्ट आहे जेणेकरून नवीन चोच आणि नखे वाढू शकेल.

ही संपूर्ण प्रक्रिया पूर्ण होण्यास सुमारे पाच महिने लागतात आणि मग नवीन पंख आणि नवीन चोच पंजे यासोबत नवीन आत्मविश्वास मनात साठवून पुन्हा हा आसमंताचा बादशाह नवीन झेप घेतो तीच ही गरुड झेप!

कष्टाशिवाय फळ नाही. आपल्यापैकी बर्‍याच जणांना यश किंवा परिवर्तन हवे असते, परंतु त्याग, नैराश्य, कंटाळा आणि त्यासह येणारं अपयश पचवण्याची दृष्टी आणि महत्त्वाकांक्षा आपल्या जवळ हवी याशिवाय टिकण्यासाठी आणि वाढण्यासाठी आपण बदलण्यास तयार राहिले पाहिजे.

कधीकधी आपल्याला कदाचित आणखी एक पाऊल पुढे जाण्याची आवश्यकता असू शकते. विषारी संबंध संपवणे, विषारी नोकरी सोडून, विनाशकारी सवयी, विचार, परंपरा यापासून लांब राहून मुक्त राहून पुढे जाण्याची जिद्द अंगी हवी तरच घेता येईल ती गरुडझेप.

– जयेश फडणीस
8097130476

Author

WhatsApp Group Join Now
Telegram Channel Subscribe
Facebook Page Follow

फक्त ₹२२२ मध्ये 'स्मार्ट उद्योजक'चे आजीवन सभासद होण्यासाठी येथे क्लिक करा.


WhatsApp Group Join Now
Telegram Channel Subscribe
Facebook Page Follow
error: Content is protected !!
Scroll to Top
उद्योजकाचं व्यक्तिमत्त्व कसं असावं?