घरबसल्या सुरू करू शकता Affiliate Marketing

अॅफिलेट मार्केटिंग हा नव्याने उदयाला आलेला आणि खर्‍या अर्थाने एकविसाव्या शतकातील उद्योग आहे. स्वत:च्या घरात स्वत:चा संगणक, इंटरनेट जोडणी इतक्याच सामग्रीमध्ये आपण हा व्यवसाय सुरू करू शकता. अॅफिलेट मार्केटिंग म्हणजे आपल्या वेबसाइट अथवा ब्लॉगच्या माध्यमातून आपण अन्य कंपन्यांची उत्पादने विकणे.

यासाठी आपल्याला संगणकीय ज्ञान, इंटरनेटची जुजबी ओळख व नवनवीन शिकण्याची तयारी हवी. यासाठी काही छोटे क्रॅश कोर्सेसही उपलब्ध आहेत.

ब्लॉग अथवा वेबसाइटच्या माध्यमातून आपण ई-बे, अॅमेझॉन, फ्लिपकार्ट, स्नॅपडील यांच्यासारख्या ऑनलाइन शॉपिंग वेबसाइट्सवरील उत्पादने, जसे की मोबाइल फोन, कपडे, पुस्तके इ. वस्तू विकता येतात व त्याचे तुम्हाला कमिशन मिळते. तसेच गुगलच्या Adsence या प्रोग्राममध्ये नोंदणी केल्यावर गुगलच्या विविध जाहिराती या तुमच्या वेबसाइट अथवा ब्लॉगवर दिसतात.

तुमच्या वेबसाइट अथवा ब्लॉगवरून जितक्या लोकांनी गुगलची जाहिरात पाहिली त्या तुलनेत तुम्हाला पैसे मिळतात तसेच त्यावरून जर कोणी खरेदी केली तर हे कमिशन जास्त असते.

अॅफिलेट मार्केटिंगमध्ये तुम्ही जगभरात तुमच्या वेबसाइटच्या माध्यमातून विक्री करू शकता. दिवसातून तीन ते चार तास सलग हे काम केल्यास चांगली रक्कम मिळू शकते. दिवसेंदिवस ज्ञानात वृद्धी करून ऑनलाइन मार्केटिंगच्या अधिकाअधिक ट्रिक्स शिकून तुम्ही तुमचे उत्पन्न वाढवू शकता.

शहरी, निमशहरी, ग्रामीण कोणीही हा व्यवसाय करू शकतो. तुमच्या माध्यमातून विकले गेलेल्या उत्पादनांचे कमिशन ठरावीक काळानंतर तुमच्या बँक खात्यात जमा होते. त्यासाठी तुम्ही निरनिराळ्या ऑनलाइन शॉपिंग वेबसाइट्सचे अॅफिलेट होताना तुमचे बँक खाते जोडले पाहिजे.

– शैलेश राजपूत

हेही वाचा :

१. ऑनलाईन उद्योगांच्या संधी : Affiliate Marketing (भाग १)
२. Affiliate Marketing (भाग २)
३. आपल्या ब्लॉगला उत्पन्नाचं साधन बनवा

 

Author

  • शैलेश राजपूत

    शैलेश राजपूत हे 'स्मार्ट उद्योजक' मासिकाचे संपादक आहेत. पत्रकारितेचं शिक्षण झाल्यावर त्यांनी २००७ साली पत्रकारिता क्षेत्रात काम करायला सुरुवात केली. २०१० साली त्यांनी स्वतःचा व्यवसाय सुरू केला.

    व्यवसाय करताना त्यांना ज्या अडचणींना सामना करावा लागला त्याच अडचणी पहिल्या पिढीतील प्रत्येक मराठी उद्योजकाला येत असणार असा विचार करून यावर उपाय म्हणून त्यांनी २०१४ साली उद्योजक.ऑर्ग हे वेबपोर्टल सुरू केले व २०१५ साली स्मार्ट उद्योजक मासिक सुरू केले.

    संपर्क : ९७७३३०१२९२

    View all posts
WhatsApp Group Join Now
Telegram Channel Subscribe
Facebook Page Follow

फक्त ₹२२२ मध्ये 'स्मार्ट उद्योजक'चे आजीवन सभासद होण्यासाठी येथे क्लिक करा.


WhatsApp Group Join Now
Telegram Channel Subscribe
Facebook Page Follow
error: Content is protected !!
Scroll to Top
उद्योजकाचं व्यक्तिमत्त्व कसं असावं?