श्रीमंतीचे दार

श्रीमंतीचे दार म्हणजे उद्योजकता. संस्कृतमध्ये एक सुभाषित आहे की, ‘उद्यमेन् ही सिद्ध्यंती, कार्याणि न मनोरथै। न ही सुप्तस्य सिंहंस्य प्रविशंती मुखे मृग:॥’ म्हणजेच उद्योग केल्याशिवाय फळ मिळू शकत नाही. व्यावसायिक जीवनात हाच उद्योग स्वयंप्रेरणेने करणं म्हणजेच उद्योजकता.

उद्योग ही एक घुसळण आहे. चांगल्या शब्दांत सांगायचे झाले तर मंथन आहे. या मंथनातून अमृत बाहेर येणार आहे. हे अमृत म्हणजेच श्रीमंती. श्रीमंती म्हटलं की आपल्यासमोर फक्त लौकिक वैभवच उभे राहते; पण ही संकल्पना अर्धसत्य आहे. श्रीमंती फक्त पैशांची नसते, ती विचारांची असते, तत्त्वांची असते.

अनेक जण असे असतात की जे तोंडात चांदीचा चमचा घेऊन जन्माला आलेले असतात.म्हणजेच श्रीमंती ही त्यांच्या पूर्वजन्माच्या उद्यमतेचं संचित म्हणून त्यांना या जन्मात मिळालेली असते. पण काही भाग्यवान असेही असतात की ज्यांना याची देही, याची डोळा ही श्रीमंती उभी करण्याची संधी मिळते. अशा सर्व श्रीमंतांसाठी वा श्रीमंतीचं दार आहे उद्योजकता.

म्हणूनच आपण अशा शून्यातून विश्‍व उभ्या करणार्‍या पहिल्या पिढीतील उद्योजकांच्या कथा वाचतो. त्यातून प्रेरणा घेतो. तुम्हाला ठाऊक आहे का यश संपादन न करू शकलेले उद्योजकही श्रीमंत असू शकतात. त्यांच्याकडे अयशस्वीतेच्या अनुभवांची श्रीमंती असते. अशाप्रकारे पैसा, तत्त्व, अनुभव आदींच्या श्रीमंतीचे दार उघडते उद्योजकता.

– शैलेश राजपूत

Author

  • शैलेश राजपूत

    शैलेश राजपूत हे 'स्मार्ट उद्योजक' मासिकाचे संपादक आहेत. पत्रकारितेचं शिक्षण झाल्यावर त्यांनी २००७ साली पत्रकारिता क्षेत्रात काम करायला सुरुवात केली. २०१० साली त्यांनी स्वतःचा व्यवसाय सुरू केला.

    व्यवसाय करताना त्यांना ज्या अडचणींना सामना करावा लागला त्याच अडचणी पहिल्या पिढीतील प्रत्येक मराठी उद्योजकाला येत असणार असा विचार करून यावर उपाय म्हणून त्यांनी २०१४ साली उद्योजक.ऑर्ग हे वेबपोर्टल सुरू केले व २०१५ साली स्मार्ट उद्योजक मासिक सुरू केले.

    संपर्क : ९७७३३०१२९२

    View all posts
WhatsApp Group Join Now
Telegram Channel Subscribe
Facebook Page Follow

फक्त ₹२२२ मध्ये 'स्मार्ट उद्योजक'चे आजीवन सभासद होण्यासाठी येथे क्लिक करा.


WhatsApp Group Join Now
Telegram Channel Subscribe
Facebook Page Follow
error: Content is protected !!
Scroll to Top
उद्योजकाचं व्यक्तिमत्त्व कसं असावं?